Kamis, 20 Januari 2011

Bunga Di Ati

Olih : Bliyanbelog

Yan tolih melahang
Nak mula cara pragina
Lengen lantang batis dawa
Bangkiang rengkiang cara biola
Ngae kenehe uyang paling

Yan tolih melahang
Nak mula cara penyanyi
Munyi halus nelusuk ati
Paras ayu buka selebriti
Sing taen absen kaipiang

Bajang jegeg gadis kampung
Diapain kampung nak mula ayu
Ayu saking tengahin ati
Sampurna sakadi bunga
Miik ngalub ngebekin gumi

Bajang jegeg gadis bali
Sing ada ne ngidang nyaingin
Sing ada ne ngidang matuhin
Ayu paras ayu budi
Nyihnayang gadis bali sujati

Ilang suba ragu di ati
Nyingakin paras ayu sekadi dewi
Saking langit turun ke mayapada
Miik ngalub bunga swarga loka

Ilang suba rasa sangsaya
Gadis ayu gadis bali sujati
Ayu paras ayu budi
Ngae tentram ring ati
Kanti mati

0 komentar:

Posting Komentar

Bagi yang ingin komentar silahkan !!